糖女，糖女係糖糖第一胎女兒，2歲，前天晚上突然上半身郁唔到，倒在地上，後腳就在郁，我地檢查哂佢全身無傷，D骨都無傷，佢仲發燒，我地立即幫佢退燒先，今日退燒就帶佢去我地一位資深行家度睇睇，佢檢查完後說糖女有可能係中風，佢都無能為力，佢肯飲水，食小小雞肉，我地打算明天一早出去徐正雄度睇睇，希望知道究竟係什麼一回事，再作定啦！唉！呢排經濟咁差，越窮越見鬼囉！慘！！！

昨日睇完醫生，醫生話初步應為腦部或頸椎神經線出問題，進一步確定就要去轉睇腦部神經科專科醫生，第一部要照片，但要幾仟，有得醫就一定要做手術，手術費一定過萬，唉！照片幾仟都未必比得起，現在只有試試用藥，每日打針試試情況，情況不好，就無辦法啦！！！！！！！要每日打針，帶佢翻九龍媽媽家中暫住，家中娃娃初初吠佢，但知道佢係行唔到路之後，個個都走埋錫佢，仲坐係佢隔離陪佢，唉！（狗）間有情！糖女都好開心錫翻佢地！！！！現在想問問各位有無狗狗殘障車圖樣，看能否找到圖樣做架車仔，請幫忙！？！？！？！？